Java e pestë e Superligës së Kosovës në basketboll do të sjellë përballje shumë interesante, ku veçohet derbi i rivalëve të vjetër – Sigal Prishtinës dhe Pejës.
Ky derbi luhet sot prej orës 17:00 në Pallatin e Rinisë dhe Sportit në kryeqytet, ndërsa dy ekipet kërkojnë fitoren.
Sigal Prishtina kërkon të kthehet te fitorja pas dy humbjeve rresht, në kampionat dhe Ligën ENBL kurse Peja nuk di për humbje në Superligë dhe synon fitoren e pestë rresht.
Sot, por prej orës 19:00 do të luhet edhe ndeshja ndërmjet Giolden Eagle Yllit dhe Bashkimit, ekip që po ashtu nuk di për humbje këtë sezon në Superligë.
