Ambasadori i Shteteve të Bashkuara të Amerikës, Jeffrey Hovenier, ka deklaruar se me dhurimin e dronëve që SHBA i dhuroi Policisë dhe IPK-së, do të luftohet krimi i organizuar dhe do të përmirësohet siguria e qytetarëve në vend.
Përmes një postimi në Twitter, Hovenier ka shkruar se ShBA e mbështet Policinë e Kosovës prej kohësh, përcjell teve1.info.
“Shtetet e Bashkuara e kanë mbështetur prej kohësh Kosovo Police dhe Inspektorati Policor i Kosovës përmes trajnimeve dhe pajisjeve për të siguruar që ata të mund të përmbushin në mënyrë efektive përgjegjësitë e tyre për zbatimin e ligjit në mbarë Kosovën. Sot ne dhuruam sisteme të avionëve pa pilot që do të përmirësojnë aftësitë e tyre për të luftuar krimin e organizuar dhe për të përmirësuar sigurinë publike për të gjithë qytetarët e Kosovës”, thuhet në postimin e Hovenier.
Policia e Kosovës dhe Inspektorati Policor, kanë përfituar donacion shtatë dronë nga Ambasada e Shteteve të Bashkuara të Amerikës, përmes projektit ndërmjet INL-DOS dhe ICITAP-DOJ./teve1.info/.