Kampionia e Kosovës, Drita, ka publikuar formacionin zyrtar për ndeshjen e kthimit ndaj Copenhagenit në kuadër të raundit të dytë kualifikues të Ligës së Kampionëve.
Një orë para fillimit të ndeshjes, trajneri Zekirija Ramadani është përcaktuar për 11-shen me të cilën do ti kundërvihet ekipit të madh nga Danimarka.
Në portë, do të jetë Faton Maloku derisa vija e mbrojtjes përbëhet nga Besnik Krasniqi, Juan Camilo Mesa, Raddy Ovouka e Egzon Bejtullai.
Në mesfushë janë kapiteni Rron Broja e Albert Dabiqaj që do të jenë para mbrojtjes derisa treshja Almir Ajzeraj, Blerim Krasniqi e Liridon Balaj do ta përkrahin qendërsulmuesin Arb Manaj.
Kjo ndeshje nis në orën 20:00 dhe luhet në stadiumin “Fadil Vokrri” në Prishtinë, ku Drita kërkon përmbysjen e madhe.
Javën e shkuar në Danimarkë, Drita u mposht 2:0 nga Copenhageni, që të dy golat i shënoi nga penalltia në pjesën e dytë.
