Kampionia e Kosovës Drita ka pësuar humbje edhe në ndeshjen e kthimit nga FC Copenhagen, duke u eliminuar nga rrethi i dytë kualifikues i Ligës së Kampionëve.
Gjilanasit që kishin pësuar humbje në ndeshjen e parë (2:0), të martën mbrëma në kryeqytet u mposhtën sërish, dhe u eliminuan me rezultat të përgjithshëm 0:3.
Duelin në “Fadil Vokrri”, Drita e mbylli me një lojtar më pak, kur Liridon Balaj u ndëshkua me karton të kuq.
Drita tani vazhdon garën në rrethin e tretë të Ligës së Evropës, ku do të përballet me humbësin nga dueli Shkëndija – Steaua.
