Drenica fitoi tre pikë të mëdha në “Bajram Aliu”.
Kuqezinjët me shifra 1:0 mposhtën Llapin, në kuadër të xhiros së 33-të të Superligës.
Në pjesën e parë vëmendja më e madhe ishte në tribuna sesa në fushën e lojës. Në minutën e 38-të, arbitri kryesor i ndeshjes, Genc Nuza e ndërpreu lojën dhe kërkoi largimin e tifozëve të Drenicës nga tribunat për shkak të hedhjeve të vazhdueshme të mjeteve piroteknike në fushë.
Pas gati dhjetë minutash pritje, tifozët u zbrapsën nga tribunat, ndeshja rifilloj por pa arritur të dërgojnë topin në rrjetë. Drenicakët golin e fitores e arritën në franksionin e dytë.
Ishte minuta e 78-të, kur Besfort Dervishaj shënoj golin e fitores për skuadrën e tij. Drenica ka fituar pikë të rëndësishme në garë për t’i ikur barazhit. Mbetet në pozitën e tetë, por tani me 43 pikë.
Llapi pavarësisht humbjes mbetet në pozitën e katërt me 54 pikë, vetëm një pikë për ta siguruar edhe matematikisht garat evropiane.
/Tëvë1/