Drejtori i Përgjithshëm i Policisë së Kosovës, Kolonel Gazmend Hoxha, ka pritur sot në ambientet e Drejtorisë së Përgjithshme në Prishtinë një delegacion nga Republika e Bullgarisë, të kryesuar nga Gjeneralmajor Emil Simeonov Tonev, Shef i Mbrojtjes Kombëtare të Bullgarisë. Delegacioni bullgar ishte i shoqëruar edhe nga Ambasadori i Bullgarisë në Kosovë dhe bashkëpunëtorë të tjerë.
Takimi u zhvillua në një atmosferë miqësore dhe u fokusua në forcimin e bashkëpunimit ndërinstitucional mes Policisë së Kosovës dhe institucioneve të sigurisë bullgare.
Gjatë diskutimeve, të dyja palët shprehën gatishmërinë për vazhdimin dhe thellimin e bashkëpunimit në fushën e sigurisë dhe ruajtjes së rendit, në funksion të paqes dhe stabilitetit si në Kosovë ashtu edhe në rajon.
Në përfundim, u vlerësua rëndësia e shkëmbimit të përvojave dhe ndihmës së ndërsjellë në sfidat e përbashkëta të sigurisë.
