Njëherit, Buleshkaj njoftoi se tanimë secili institucion do jetë i obliguar për hartimin e planit të integritetit, duke përfshirë këtu edhe ndërmarrjet publike.
“Ne jemi mjaft të lumtur me numrat, raportet janë dyfish me vitet paraprake për parandalimin e korrupsionit në vend. Jemi fuqizuar në aspektin e parandalimit të korrupsionit mjaft shumë. Kemi mekanizma që nuk i kemi pasur më herët. Nuk mund të ketë besim në institucione përderisa nuk kujdesen vetë për ta ruajtur integritetin e tyre. Secili institucion, duke përfshirë edhe ndërmarrjet publike, do të jenë të obliguara që ta hartojnë planin e integritetit”, deklaroi Buleshkaj në emisionin “Ditari” në tëvë1.
Madje, ai bëri të ditur se tashmë do i kushtojnë më shumë rëndësi edukimit të qytetarëve brenda kësaj fushe.
“Këtë javë po ashtu kemi filluar ta informojmë më shumë publikun. Ne kemi gjetur një përkrahje të mirë nga Unioni Evropian. Ne tanimë do i kushtojmë rëndësi më të madhe se si t’i edukojmë qytetarët e vendit në këtë fushë”, tha ai tutje.
Por, Buleshkaj sërish vlerësoi se në Kosovë është krijuar një bindje që mund të punësohesh vetëm në qoftë se ke dikë të njohur.
“Hetimet më të mira i kemi nga informatat që i kemi pranuar, qofshin ato nga mediat apo nga qytetarët”, shtoi Buleshkaj.
Teksa, Buleshkaj në një takim me Shefin e Zyrës së BE-së, Tomas Szunyog, bëri të ditur se gjatë vitit 2022, mbi 30 raste korrupsioni janë iniciuar për trajtim në Agjencinë për Parandalimin e Korrupsionit./teve1.info/.
