Mbrojtësi i krahut të majtë, Ramy Bensebaini është përforcimi i parë i Borussia Dortmundit për edicionin e ri. Reprezentuesi i Algjerisë, të martën është prezantuar te Dortmundi dhe me ekipin e ri ka firmosur kontratë katërvjeçare.
28-vjeçari te Dortmundi do të transferohet si lojtar i lirë, pasi në fund të këtij muaji i skadon kontrata me Borussia Moenchengladbachun. Bensebaini prej vitit 2019 luan në Bundesligë, ndërsa te Dortmundi do ta zëvendësojë portugezin Raphael Guerreiro që do të largohet si lojtar i lirë.
Bensebaini edicionin e fundit ka regjistruar 6 gola dhe 1 asistim në kampionatin gjerman, ndërsa Gladbachut iu bashkua nga Rennesi i Francës. Ai ka edhe 53 paraqitje dhe 6 gola të shënuar me Përfaqësuesen e Algjerisë.