Shefi i Zyrës së BE-së në Kosovës, Tomas Szunyog, ka reaguar pas dorëheqjes së Shkumbin Ahmetxhkajt nga pozita e Drejtorit të Përgjithshëm të Radio Televizionit të Kosovës.
Szunyog, me anë të një postimi në platformën ‘X’, ka thënë se pret që RTK-ja të gëzojë autonomi dhe pavarësi institucionale.
“Lexova lajmin për dorëheqjen e Drejtorit të Përgjithshëm të RTK-së, Shkumbin Ahmet Gjekaj. Kësisoj, dua të theksoj rëndësinë e transmetuesit publik që gëzon autonomi institucionale dhe pavarësi institucionale”, deklaroi ai.
“Gjithashtu dua t’i shpreh mirënjohjen Shkumbin Ahmetxhekajt për përpjekjet e tij në përmirësimin financiar të menaxhmentit të RTK-së”, shtoi tutje Szunyog.
Ai ka thënë se ky institucion pret që emërimi i drejtorit të ri të bëhet përmes një procesi meritor.
Ahmetxhekaj përmes një postimi në Facebook ka thënë se vendimi për dorëheqje ka ardhur si rezultat i një presioni politik, dhe se nuk është akt dorëzimi i tij.
“Ky akt nuk është dorëzim dhe nuk reflekton vullnetin personal për të mos vazhduar me drejtimin e RTK-së, por është kulmim i një presioni politik 7 mujor që rezultoi me mospajtime të thella me Bordin për çështje fundamentale të ecjes tutje të transmetuesit publik”, ka shkruar Ahmetxhekaj.
Ai tutje ka shtuar se në këtë kontekst, qëndrimi i mëtutjeshëm në këtë pozitë kur ka mosbesim, mungesë të mbështetjes për procesin e reformës së RTK-së dhe Strategjinë Zhvillimore 2024-2027, është i pakuptimtë dhe do të sillte vetëm bllokadë e stagnim për transmetuesin publik.
Ndërsa në një komunikatë për media bordi i RTK-së ka thënë se me Ahmetxhekaj ka pas bashëkpunimin korrekt, por ka theksuar se kohëve të fundit kanë pasur mospajtime lidhur me me rastin e drejtorit të radios Arsim Halili.
“Me z. Ahmetxhekaj Bordi ka pasur një bashkëpunim korrekt, ndërkaq javë më parë ka pasur mospajtime dhe qasje të ndryshme lidhur me rastin e dhunës psikike që ka ushtruar drejtori i radios z. Arsim Halili ndaj disa grave në RTK, veçanërisht ndaj udhëheqëses së zyrës ligjore. Bordi ka pritur që drejtori i përgjithshëm ta trajtojë këtë rast konform përgjegjësive të tij. Bordi rithekson që dhuna psikike dhe çfarëdo lloj presioni i ngjashëm nga kushdo ndaj kujtdo, janë të papranueshme dhe nuk do të lejohen në RTK”, thuhet në komunikatë.
Bordi i RTK-së ka emëruar Zana Spahiu në pozitën e ushtrueses së detyrës së drejtoreshës së përgjithshme të RTK-së.
Read the news about the resignation of RTK's General Director @Shkumbin_Ah.
I want to stress the importance of a public broadcaster that enjoys institutional autonomy & editorial independence.
— Ambassador Tomáš Szunyog (@EUAmbKS) July 7, 2024
