Boksierja kosovare, Donjeta Sadiku ka siguruar medalje në Kampionatin Botëror të Boksit, që po mbahet në Stamboll të Turqisë.
Sadiku në çerekfinale e mundi Wu Shih-yi të Taipeit, në kategorinë -60 kg. 22 vjeçarja do t’i sjell medaljen e parë botërore Kosovës nga sporti i boksit, grupmosha për seniore.
Ndërsa në gjysmëfinale, ajo do të përballet me amerikanen, Shakiyla Rashida Ellis. Meçi zhvillohet nesër (e mërkurë), prej orës 18:00. /Tëvë1/
