Basketbollisti slloven Luka Donçiq do ta vazhdojë karrierën te Los Angeles Lakers, ku do të synojë që përkrah LeBron Jamesit ta fitojë titullin e kampionit në NBA.
Donçiq do të kalojë nga Dallas Mavericks tek LA Lakers, ndërsa te Dallasi do të transferohet qendra Anthony Davis.
Donçiq udhëhoqi Dallasin drejt finales së madhe të NBA-së edicionin e kaluar. Ai së bashku me Maxi Kleber e Markieff Morris do të kalojnë te Lakersi, ndërsa Davis dhe Max Christie te Dallasi.
Po ashtu, skuadra tjetër, Utah Jazz do të përfshihet në këtë shkëmbim spektakolar. Jalen Hood-Schifino i është bashkuar Utah Jazzit nga LA Lakers.
