Reperi i njohur shqiptar Don Xhoni ka vendosur të anulojë publikimin e këngës së tij më të re, pas lajmit të trishtë për ndarjen nga jeta të Eldion Kelmendit, vëllait të mikut dhe kolegut të tij, Gjesti.
Përmes një njoftimi të bërë në rrjetet sociale, Don Xhoni ka shprehur dhimbjen dhe solidaritetin e tij me familjen Kelmendi, duke thënë se nuk është momenti për muzikë, por për reflektim, mbështetje dhe respekt ndaj një humbjeje të madhe që ka prekur jo vetëm familjen, por edhe gjithë komunitetin artistik dhe fansat.
“Në shenjë respekti për vëllain e Gjesti-t, Eldionin, vendosa që kënga e re të mos publikohet në këtë periudhë. Zemra jonë është me familjen Kelmendi në këto ditë të vështira.” – ka shkruar reperi, duke treguar kështu anën e tij humane përtej skenës dhe famës.
Ky vendim është mirëpritur nga ndjekësit dhe publiku, të cilët kanë vlerësuar gjestin e tij si një akt të madh respekti dhe solidariteti.
Viktima ha humbur jetën dje në një aksident trafiku.
