Mijëra qytetarë janë mbledhur në sheshin e Prishtinës për të protestuar kundër vendimit dënues që Gjykata Speciale ua shqiptoi të mërkurën katër udhëheqësve të Ushtrisë Çlirimtare të Kosovës.
Edhe ky tubim po dominohet nga thirrjet “Jo në emrin tim”.
E njëjta është duke u zhvilluar në sheshin kryesor të Prishtinës.
Edhe sonte, të pranishëm janë djali i ish-presidentit Hashim Thaçi, Endrit Thaçi, edhe ai i Kadri Veselit, Klestor Veseli.
Ata kanë protestuar edhe sot gjatë ditës sikurse mbrëmjen e djeshme.
