Emri i tij u përfol për kryetar të ri të Kuvendit të Kosovës.
Mirëpo, Fatmir Limaj thotë se deri më tani, nuk ka ndonjë marrëveshje për këtë post.
Emrin e kryeparlamentarit, për të cilin pritet të votohet të martën, tha se e di zëvendëskryeministrja në detyrë, Emilija Rexhepi.
Për qeverinë janë të vendosur se do të votojnë kundër, mirëpo partitë opozitare akoma nuk kanë marrë vendim nëse do të votojnë për kryeparlamentarin që pritet të propozohet nga Lëvizja Vetëvendosje.
Kryetari i AAK-së, Ramush Haradinaj thotë se në parim duhet të votohet, mirëpo çdo veprim deklaron se do ta bëjë bashkë me PDK-në dhe LDK-në.
Deputeti i PDK-së, Mërgim Lushtaku, thotë se partia e tij nuk ka votë për asnjë kandidat të Vetëvendosjes.
Nga Lidhja Demokratike e Kosovës i kanë thënë gjatë ditës televizionit se edhe ata janë të pavendosur nëse do ta votojnë kryetarin e Kuvendit.
Lëvizja Vetëvendosje është partia që do ta propozoj kandidatin e saj për kryeparlamentar. Emri ende nuk dihet.
