Mesfushori Ardon Jashari, do të mbajë sot një takim vendimtar me drejtuesit e Club Brugge, në përpjekje për të zyrtarizuar largimin e tij nga klubi belg.
Bisedimet pritet të jenë të drejtpërdrejta dhe intensive, me Jasharin që synon të konfirmojë dëshirën e tij për t’u transferuar te Milani, ekip me të cilën ka arritur marrëveshje personale.
Mediat belge dhe ato italiane raportojnë se 21-vjeçari ka rënë dakord për një kontratë afatgjatë me gjigantët e Serie A dhe është i vendosur ta realizojë këtë lëvizje gjatë kësaj vere.
Pavarësisht ngurrimit të Club Brugge për ta shitur, Jashari do të kërkojë që t’i jepet drita jeshile për t’u larguar, duke besuar se kalimi te Milani do të jetë një hap i rëndësishëm në zhvillimin e tij profesional.
Milani ka ofruar 38 milionë euro në total për Jasharin, ndërsa Brugge po insiston në kërkesën prej 40 milionë eurosh.
