Sot shënohet Dita Ndërkombëtare e Shërbyesve Civil, e cila i kushtohet vlerësimit të rolit dhe kontributit të shërbyesve publikë në zhvillimin e shoqërisë dhe forcimin e institucioneve shtetërore.
Kjo ditë edhe në Kosovë synohet të jetë tradicionale.
23 Qershori – Dita e Shërbyesve Civilë, në botë ka filluar të shënohet me vendim nga Asambleja e Përgjithshme e Kombeve të Bashkuara më 20 dhjetor 2002, kur kjo ditë është caktuar si datë tradicionale për shënimin e Ditës së Kombeve të Bashkuara për Shërbyesit.
Që nga viti 2003, shtetet anëtare inkurajohen të organizojnë aktivitete dhe ngjarje të veçanta për të promovuar rëndësinë e shërbimit publik dhe për të njohur punën e atyre që janë në shërbim të qytetarëve.
Kjo ditë synon të vë në pah rëndësinë e administratës publike në ofrimin e shërbimeve cilësore, zbatimin e politikave publike dhe avancimin e zhvillimit ekonomik e social.
Ajo gjithashtu promovon vlerat e profesionalizmit, integritetit, transparencës dhe përgjegjshmërisë në institucionet publike.
Përmes shënimit të kësaj dite, rikujtohet roli thelbësor që shërbyesit civilë luajnë në funksionimin e institucioneve dhe në përmirësimin e cilësisë së jetës së qytetarëve, duke kontribuar në ndërtimin e një shoqërie më të drejtë, më të zhvilluar dhe më demokratike.
