30 maji i çdo viti shënon Ditën Botërore të Sklerozës së Shumëfishtë.
Dita e parë botërore e sklerozës së shumëfishtë u festua në vitin 2009 nga Federata Ndërkombëtare e Sklerozës së Shumëfishtë (MSIF).
MSIF u krijua zyrtarisht në 1967 si një organ ndërkombëtar që koordinohej me organizatat kombëtare që i përkisnin shumë vendeve si Turqia, Sllovakia, India dhe Shtetet e Bashkuara të Amerikës, raporton KosovaPress.
Tema e Ditës Botërore të Sklerozës së Shumëfishtë të këtij viti është ‘Lidhu’. Kjo temë, e cila vazhdon nga viti 2020 fokusohet në bashkimin e botës duke krijuar një lidhje me njëri-tjetrin si dhe me veten për hir të një kujdesi më të mirë.
MSIF shpenzon gjithë muajin maj dhe fillim të qershorit duke përhapur ndërgjegjësimin dhe shpresën për trajtimin sëmundjes përmes fushatave të tyre tematike.
Rreth 2.8 milionë njerëz vuajnë nga skleroza e shumëfishtë çdo vit. Kjo sëmundje lidhet me mbështjelljet e dëmtuara të mielinës që mbulojnë sistemin nervor në palcën kurrizore dhe trurin.
Mbulesat e dëmtuara të mielinës mbulohen me lezione ose pllaka, dhe këtu mori emrin sëmundja – ‘skleroza e shumëfishtë’ do të thotë ‘vragë të shumta’.
Shkaqet e sakta të sëmundjes mbeten të panjohura, por disa shkencëtarë ia atribuojnë shkaqeve të sëmundjes gjenetikë, agjentë infektivë dhe mosfunksionim qelizor.
Simptomat përfshijnë spazma muskulore, probleme me të folurin dhe gëlltitjen, problemet e koordinimit dhe ekuilibrit, depresionin, luhatjet e humorit.
Ndërsa nuk ka një kurë të përhershme, kërkimet e vazhdueshme kanë të bëjnë me trajtimin e simptomave me ilaçe dhe strategji neurombrojtëse.
