Lidhja Demokratike e Kosovës ka konfirmuar se është duke zhvilluar bisedime me Nismën Socialdemokrate për mundësinë e një koalicioni parazgjedhor.
Pas deklaratës së liderit të Nismës, Fatmir Limaj, i cili e tha në media tha se po negocion me LDK-në, të njëjtën gjë e bëri të ditur edhe Armend Zemaj. Në një konferencë për media, ai theksoi se kanë pasur bisedime parimore, ndërsa nuk përjashtoi mundësinë e diskutimeve teknike për një marrëveshje të mundshme.
“Ka pasur bisedime parimore. Nuk mund të them që nuk ka pasur edhe bisedime teknike, por ato janë brenda përmbajtjes që ka shpjeguar kryetari i LDK-së pas takimit të kryesisë,” u shpreh Zemaj.
Autoritetet e dy partive theksojnë se negociatat janë ende në fazë të hershme dhe se nuk ka vendime përfundimtare.
