Dioqeza e Rashkës bën të ditur se peshkopi Teodosije sot pasdite ka vizituar Manastirin e Banjskës, me ç’rast është njoftuar për ngjarjet që kanë ndodhur në dhe rreth manastirit dje e sot.
Në njoftim theksohet se gjatë ditës, EULEX-i dhe policia e Kosovës kanë arritur në manastir për të kryer hetime ku brenda ndërtesave të banimit dhe kishës së manastirit nuk është gjetur ndonjë gjë që mund të rrezikonte manastirin.
Teksa potencohet se në dy zona të oborrit të manastirit u zbuluan armë zjarri, parzmore dhe pajisje, të cilat, siç thonë ata, u hodhën nga personat e armatosur gjatë tërheqjes së djeshme nga manastiri.
“E rëndësishme është se në manastir nuk u gjetën gjurmë gjaku dhe gjatë gjithë ngjarjeve nuk pati viktima brenda mureve të manastirit. Ekipet e mjekësisë ligjore morën printime dhe intervistuan pelegrinët, të cilët më pas, të shoqëruar nga policia dhe EULEX-i, kaluan kalimin kufitar të Jarinjës për t’u kthyer në shtëpitë e tyre”, thuhet në njoftim.
Tutje thuhet se Dioqeza e publikon këtë deklaratë kryesisht “për të kundërshtuar spekulimet e ndryshme dhe lajmet arbitrare që qarkullojnë në media”. /Teve1.info/