Megjithatë, nëntë vjet më parë kur Republika e Togos kishte vendosur marrëdhëniet diplomatike me Kosovën, fjalët ishin krejt ndryshe.
Duseey i cili edhe atëbotë ishte kryediplomat i shtetit nga Afrika, zotohej se do të lobonte edhe tek shtetet tjera për ta njohur pavarësinë e Kosovës. Këto deklarata i kishte dhënë pas një vizite në Prishtinë në ditën kur vendi i tij njohu Kosovën.
“Pavarësia juaj është e nevojshme, sepse ne besojmë se vendosmëria e njerëzve është për paqen në botë. Me praninë tonë këtu duam të konfirmojmë se Togo është e përkushtuar për të lobuar dhe për të bërë maksimumin për të ndikuar në shtetet që nuk e kanë njohur Kosovën ta njohin atë”, kishte deklaruar Duseey.
Kurse ministri i Jashtëm i Kosovës në atë kohë, Enver Hoxhaj ishte zotuar se do ta kishte përkrahjen e Togos për anëtarësim në organizatat ndërkombëtare.
“Vizita e Ministrit të Punëve të Jashtme po hap një kapitull të ri të bashkëpunimit, i cili do të shkruhet gjatë viteve të ardhshme. Do të kemi mbështetjen e ministrit Dussey për anëtarësimin e Kosovës në disa organizata në botë për të cilat Kosova tashmë ka aplikuar dhe në muajt në vijim do të ketë lajme të mira për anëtarësim në organizata të tilla”, kishte deklaruar Hoxhaj, pas takimit.
Togo kishte njohur Kosovën më 21 korrik të vitit 2014
