Një dekadë më parë nuk ndaheshin nga njëra – tjetra.
Ishte viti 2016, kur ish-kryetarja e degës së LDK-së në Gjermani, Donika Gërvalla, u nxor “zhagas” nga mbledhja e Këshillit të Përgjithshëm të këtij subjekti.
E në shenjë mospajtimi për mënyrën se si u trajtua Gërvalla, nga mbledhja doli edhe ish-deputetja e LDK-së, Vjosa Osmani.
E katër vite me vonë, Vjosa Osmani e Donika Gërvalla u larguan përfundimisht nga ky subjekt politik.
Të dyja bashkë me 5 nëntor të vitit 2020, formuan Listën “GUXO”, dhe lidhën koalicion me Lëvizjen Vetëvendosje, përmes së cilës siguruan ulëse në Kuvendin e Kosovës.
Njëra mori pozitën e të parës së shtetit, ndërsa tjetra të kryediplomatës.
Por, së fundmi një letër drejtuar Këshillit të Evropës, rreth anëtarësimit të Kosovës në të, duket se prishi raportet mes dy mikeshave të vjetra.
E kjo, më së miri u pa të mërkurën në Prishtinë, në natën dedikuar mërgimtarëve.
Kryediplomatja përdori këngën e një artisteje, për të ironizuar me shefen e shtetit.
“Para se të kalojmë tek këngëtari i ardhshëm, dëgjuam Dafinën dhe këndoi këngën e presidentes “Llafe, Llafe””, u shpreh Gwrvalla.
E një ditë më pas, erdhi edhe përgjigja e Osmanit.
Edhe shefja e shtetit, përdori këngët e Dafina Zeqirit për t’iu përgjigjur kryediplomatës.
“Nëse doni me vazhdu pak me këngë të Dafinës, e ka një të re ‘me kast, me kast, mjeshtër i mashtrimeve, me kast, me kast përsëritës i gabimeve”, ishte reagimi i Osmanti.
Ajo tha se dihet haptazi se më kryediplomatën tanimë ka dallime në qëndrime të cilat janë të qarta dhe publike.
