Një autoambulancë është përfshirë nga zjarri në Qendrën e Mjekësisë Familjare në fshatin Ratkoc të Rahovecit, ku si pasojë janë shkarkuar dëme edhe në objektin e QMF-së.
Sheremet Elezaj, zëdhënës i policisë për rajonin e Gjakovës ka njoftuar se në vendin e ngjarjes kanë dalë njësitet policore dhe zjarrfikësit të cilët kanë lokalizuar zjarrin pa pasoja në njerëz.
Elezaj bëri të ditur se lidhur me rastin një person i dyshuar është në kërkim.
“Në konsultim me Prokurorin e Shtetit, rasti është iniciuar si “zjarrvënie”. Lidhur me rastin, jemi në kërkim të një personi të dyshuar dhe po ndërmerren veprimet e nevojshme hetimore për zbardhjen e plotë të rrethanave të ngjarjes”, tha Elezaj për teve1.info
