Manchester City ka “blinduar” mbrojtësin Ruben Dias, i cili ka firmosur kontratë të re me klubin anglez.
City ka njoftuar të premten se me kontratën e re, Dias do të jetë pjesë e klubit deri në verën e vitit 2029.
Dias iu bashkua Cityt në vitin 2020 nga Benfica dhe që nga atëherë është bërë lider i padiskutueshëm në mbrojtjen e skuadrës nga Premier League.
Ai ka regjistruar mbi 200 paraqitje për Cityn dhe ka fituar nëntë trofe gjatë pesë sezoneve në “Etihad Stadium”, përfshirë katër tituj kampioni të Anglisë dhe një trofe të Ligës së Kampionëve.
“Jam shumë krenar që do të vazhdoj ta përfaqësoj këtë klub, pasi puna ime është që ta ndihmoj ekipin drejt sukseseve të reja. Tifozëve u premtoj se do të bëjë të pamundurën duke dhënë gjithçka nga vetja për të fituar trofe të tjerë me Cityn”, ka thënë Dias 28-vjeçar.
Te City kanë përgëzuar mbrojtësin Dias për kontratën e re dhe i kanë dëshiruar suksese të mëtejme në “Etihad Stadium”.
