Emigrimi i popullsisë ka prekur edhe Komunën e Vitisë.
Kjo shihet në reduktimin e numrit të nxënësve.
Vitin e ri shkollor 2023/2024, shkollat e këtij qyteti e kanë nisur me më 95 nxënës më pak.
Zyrtari komunal i arsimit, Zijadin Ahmeti thotë se shqetësuese është edhe liberalizimi i vizave, ku vetëm në janar janë lëshuar 50 fletëkalime nga shkollat.
Ai shpreh edhe një shqetësim për shkak të kërkesave të mëdha edhe nga mësimdhënësit për të dalë jashtë vendit.
E drejtori i shkollës fillore “Bafti Haxhiu” në Viti thotë se numri i nxënësve që largohen nga shkolla është në rritje.
Andaj bën thirrje që ikje të tilla të ketë sa më pak për shkak se pasojat janë të mëdha, raporton Tëvë1.
Tëvë1 ka kërkuar edhe nga Ministria e Arsimit, Shkencës, Teknologjisë dhe Inovacionit statistika se sa është numri i nxënësve në nivel vendi që kanë ikur jashtë vendit, por që nuk ka pasur përgjigje.
