Shiriti i sigurisë po vihet nga autoritetet rreth hapësirës së hotelit “Grand” në Prishtinë ku një 25 vjeçar ra nga kati i 13-të i këtij objekti.
Rasti tragjik, sipas dëshmitarëve, dyshohet se ndodhi teksa viktima ishte duke pastruar xhamat e këtij hoteli.
Në vendngjarje u panë ekipe të shumta të njësive të Policisë dhe hetues të rastit.
Aty erdhën edhe krimteknikët e Forenzikës, derisa hyrja për në hotel “Grand” u ndalua përkohësisht.
Për ndihmë u thirrën edhe mjekët e Klinikës Emergjente, të cilët panë nga afër viktimën.
Trupin e pajetë të viktimës erdhën për ta larguar edhe ekipet e zjarrfikësve me mjetet e tyre.
Pas afro tri orësh ata u larguan nga vendi i ngjarjes.
Derisa pjesëtarët e Policisë nxorën nga aty trupin të ndjerit.
Lajmin e konfirmuan edhe nga Policia e Kosovës, derisa ende nuk dhanë detaje shtesë.
“Rreth orës 11:30 është raportuar se në rrugën ”Garibaldi” në Prishtinë, një person ka rënë nga lartësia e një objekti . Policia menjëherë ka dalë në vendin e ngjarjes si dhe mjekët emergjent të cilë kanë konstatuar se , viktima( mashukull) është pa shenja jete”, thuhet nga Policia e Kosovës.
Po ashtu nga ky institucion bën të ditur se janë duke punuar në zbardhjen e plotë të rrethanave të këtij rasti.
