Mëngjesi i së enjtes i gjeti në lagjen “Qëndresa” në Veternik.
Pjesëtarë të njësisë speciale të Kosovës u thirrën në asistim të hetuesve të Zyrës së Prokurorit të Specializuar.
Ata kryen bastisje brenda shtëpisë së ish-komandantit të përgjithshëm të Ushtrisë Çlirimtare të Kosovës, Sylejman Selimi.
Këtë e konfirmuan edhe nga ZPS, duke mos dhënë detaje rreth këtij aksion.
Ata thanë që po kryejnë operacione të vazhdueshme.
E pas disa orësh bastisje, pjesëtarët e ZPS-s u larguan nga shtëpia e Selimit.
Ndërsa avokati mbrojtës, Artan Qerkini tregoi se Selimi nuk e ka statusin e personit të dyshuar, derisa dha edhe disa vërejtje ndaj Speciales.
Por Qerkini nuk tregoi se a është konfiskuar diçka gjatë këtij kontrolli në shtëpinë e klientit të tij.
Me zyrtarët e Gjykatës Speciale gjatë së enjtes është takuar ish ministri i Drejtësisë, Hajredin Kuçi.
Ai për tëvë1 tha që ka qenë vetëm takim me zyrtarë të Speciales për shkak të angazhimit të tij në një rast atje.
