Prokuroria Speciale dhe Policia e Kosovës kanë dhënë detaje lidhur me aksionin ku është arrestuar A.B, udhëheqës i një grupi kriminal i kërkuar nga urdhër arrest ndërkombëtar.
Ai është arrestuar në rajonin e Prishtinës të hënë nën dyshimin për kryerjen e veprave penale ‘pjesëmarrja ose organizimi i grupit kriminal’, ‘importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse’, ‘falsifikimi i dokumenteve’ dhe ‘vjedhja e identitetit dhe pajisja e qasjes’.
Gjatë arrestimit në shtëpinë ku qëndronte i dyshuari janë sekuestruar dëshmitë relevante si në vijim:
– 52480 euro para të gatshme,
– patentë shofer suedez –me dyshim te falsifikuare nr, 27242813 ne emër te një personi tjetër,
– letërnjoftim suedez – me dyshim te falsifikuare nr, 2365959 ne emër te një personi tjetër,
– tre (3) telefona celularë,
– orë Rolex ngjyra e bardhe –ari,
– një HDD SEAGEATE P/N. 1TEAPS-500,
– një DVR ,
– një veturë.
Ndërsa, gjatë operacionit të parë policorë të datës 12.03.2023, gjatë kontrollit të kryer në prona/shtëpi banimi, në cilësi të provave materiale ishin sekuestruar:
njëzet (20) armë (AK-47)
njëzet (20) karikator (AK-47)
dy automjete
gjashtë telefona si dhe
dokumente relevante për rastin.
I dyshuari, me nënshtetësi të Suedisë, është ndaluar për 48 orë dhe brenda afatit ligjor PSRK do të parashtrojë kërkesë për caktimin e masës së pararbugimit në Gjykatën Themelore në Prishtinë.
