Këto pjesë të automjetit janë gjurmët e vetme të një aksidenti fatal.
Automjeti që u aksidentua po barte nxënësit e fshatrave të Vushtrrisë, ku për pasojë, shoferi 59 vjeçar nuk i mbijetoi plagëve.
Në ketë pjese te rrugës, qe ndodhet mes fshatrave Duboc e Galicë, dyshohet të ketë ndodhur aksidenti qe i mori jetën shoferit të kombi-busit të nxënëseve.
Shoferit ndihmë mjekësore iu dha në Spitalin e Vushtrrisë, më pas u dërgua në QKUK, ku edhe humbi jetën.
Si pasojë e aksidentit, lëndime morën edhe shtatë nxënës.
Pas trajtimit, të gjithë nxënësit janë lëshuar për ta vazhduar tretmanin në shtëpi.
E sipas Policisë, shkak i aksidentit është pakujdesia dhe mospërshtatja e shpejtësisë.
“Nga hetimet e para të zhvilluara në vendin e ngjarjes, bëhet e ditur se shkaktar i aksidentit dyshohet të ketë qenë pakujdesia dhe mospërshtatja e shpejtësisë me kushtet e rrugës, ku për pasojë vetura përfundon jashtë rruge”, ka thënë Avni Zahiri, zëdhënës i Policisë për rajonin e Mitrovicës.
Me urdhër të prokurorit trupi i pa jetë i viktimës, është dërguar në Institutin e Mjekësisë Ligjore.
