Tifozët e Milanit e kanë humbur durimin me skuadrën dhe drejtuesit pasi u mposhtën nga Bologna në finalen e Kupës së Italisë dhe nuk arritën të merrnin një tjetër trofe për këtë sezon.
Përmes një postimi në rrjetet sociale, tifo-grupi i Milanit, “Curva Sud” ka njoftuar se nuk do të marrë pjesë në transfertën me Romën këtë të diel, e vlefshme për raundin e 37-të të Serie A.
“Pas performancës së fundit të padenjë mbrëmë, edhe një tjetër në një sezon të lindur nga paaftësia e dukshme e trajnerëve të “Via Aldo Rossi” dhe një ekipi pa asnjë fije krenarie, të dielën në Romë do t’ju lëmë vetëm me turpin tuaj! Ky vendim merret pavarësisht çdo ndalimi të çmendur udhëtimi për të cilin është folur prej ditësh”, është deklarata e publikuar.
