Sipas Dërgutit, Xhelili tashmë e ka kuptuar se qëndrimi i saj në këtë listë, nuk i shërben më asgjë.
“Unë mendoj që ka shumë arsye përse Xhelili është larguar nga Lista Guxo, e para, Lista Guxo ka qenë e injoruar vazhdimisht nga Vetëvendosje, nuk është trajtuar si partner serioz. Prandaj, deputetët e saj janë detyruar të “përbijnë” edhe shumë vendime që nuk kanë qenë në favor të vendit. Unë kam pritur që ajo të prononcohet me një deklaratë të saj për ta vërtetuar nëse është e vërtetë apo jo. Ikja e saj nga partia Guxo, nuk mendoj që është e vonë. Doarsa ka rezistuar më shumë se që duhet dhe më në fund e ka kuptuar që një qëndrim i saj në këtë listë nuk i bën nder vetë asaj, duke pasur parasysh që Doarsa ka qenë njëra nga deputetët më aktive”, tha Dërguti në emisionin “Ditari” në Tëvë1.
Gjithashtu, Dërguti tha se Doarsa ka qenë njëra nga anëtarët e kësaj partie që ka kontribuar më së shumti dhe po të ishte në dorën e saj, Partia Guxo nuk do të dështonte, siç ka dështuar tani.
Për kalimin e Kica-Xhelilit në LDK, ka folur edhe kreu i kësaj partie, Lumir Abdixhiku. Ai tha se deputetja Kica-Xhelili është me integritet të lartë dhe se partia qe ai drejton është e hapur për njerëz si ajo.