Bunjaku-Rexhepi theksoi se jeta e qytetarëve është rënduar me Qeverinë Kurti.
“Kjo është e papërballueshme për qytetarët tanë, dhe jeta e qytetarëve tanë është rënduar jashtëzakonisht shumë me ardhjen e Qeverisë Kurti në Qeveri. Tani kanë ardh me kauza krejt të rrejshme dhe po përfundojnë me jetën e papërballueshme që iu është bërë qytetarëve tanë…unë mendoj që ka mbaru koha me drejtu gishtin dikah tjetër, tani u bënë dy vjet që janë në qeveri dhe çfarëdo projektligji kanë mund me ardh me ndryshu dhe realisht tani Murati e di shumë mirë që tatimi në pronë vendoset nga Ministria, departamenti i pronës, ndërsa komunat e kanë 20% e pronës të cilën e vlerëson Qeveria”, deklaroi ajo në “Info Nata” në Tëvë 1.
Siç potencoi ajo, Qeveria nuk ka bërë asgjë për t’i thënë “puna e mbarë”.
“Kjo qeveri po synon me varfëru popullin në mënyrë që me dirigju, sepse mënyra më e mirë me dirigju është përmes varfërimit. Kjo Qeveri nuk ka bërë asgjë për me i thanë puna e mbarë”, tha Bunjaku-Rexhepi.
Deputetja e LDK-së shtoi se Qeveria Kurti nuk është e aftë të qeverisë dhe t’ua bëjë qytetarëve jetën me të lehtë. /Teve1.info/
