Kryetarja e Komisionit të Punëve të Jashtme në Parlamentin e Britanisë së Madhe, Alicia Kearns thotë se bashkësia ndërkombëtare po mban qëndrim joproporcional karshi Kosovës.
Ajo i ka reaguar ambasadorit amerikan Hovenier i cili dje tha se do të surprizohej nëse ndonjë zyrtar i Kosovës do të mund të udhëtonte në ShBA në këtë kohë.
“Mungesa e parandalimit ndaj Beogradit tregon mungesë ekuilibri dhe jokoherencë strategjike”, ka shkruar Kearns.
“Dështimi për të penguar militantët e armatosur, financuesit dhe furnizuesit e tyre me armë, rrezikon të inkurajojë përshkallëzimin e mëtejshëm”, shkruan tutje ajo.
Megjithatë sipas Kearns, marrja e ndërtesave komunale mund të ishte organizuar në bashkëpunim me aleatët dhe me njoftim paraprak për KFOR-in.
“Edhe pse vë në pikëpyetje se çfarë ‘shkopinj’ do të ishin përdorur kundër Kosovës për t’i penguar ata të lejojnë të zgjedhurit në mënyrë demokratike të përdorin zyrat e tyre”, shkruan deputetja britanike.
Kearns po ashtu ka shkruar se “nuk i takon ShBA-së të diktojë vijimin e procesit të anëtarësimit të Kosovës në Këshillin e Evropës”.
“Nuk i takon SHBA-së të diktojë nëse kjo do të vazhdojë”, shkruan Kearns.
The posture being taken towards Kosovo is disproportionate.
The lack of deterrence towards Belgrade demonstrates a lack of balance, and strategic incoherence.
Failing to deter armed milita and their funders and armourers risks emboldening further escalation. https://t.co/fwrGZYYk7Q
— Alicia Kearns MP (@aliciakearns) May 30, 2023
