Në këtë vend, që njihet si shtëpia e verdhë, senatori zviceran, Dick Marty pretendonte se udhëheqës të UÇK-së gjatë luftës në Kosovë kishin bërë trafikim të organeve.
Këto, pretendime janë përfshirë në një raport në vitin 2010.
E pikërisht ky raport kishte çuar deri në formimin e Dhomave të Specializuara të Kosovës, për të hetuar krimet e pretenduara të pjesëtarëve të UÇK-së kundër pakicave etnike dhe rivalëve politikë.
Për të kundërshtuar një gjë të tillë, Kuvendi i Shqipërisë miratoi rezolutën e iniciuar nga Rama kundër pretendimeve të Martyt.
Kreu i Shqipërisë njoftoi të hënën se në Asamblenë Parlamentare të Këshillit të Evropës, ka marrë nënshkrimet e duhura për një mocion të tillë.
Deputeti shqiptar, Tritan Shehu është optimist se miratimi i një rezolute të tillë do ta rrëzojë atë të Martyt.
Madje ai akuzon kryeministrin Rama se ka bllokuar miratimin e një mocioni që dënon gjenocidin serb në Kosovë.
Por një rezolutë e tillë, sipas avokatit Asdren Bytyqi nuk mund të ketë efekte juridike por vetëm politike.
Këto pretendime të senatorit zviceran janë hetuar nga prokurori amerikan, Clint WIlliamson i cili në korrik të vitit 2014 bëri të ditur se gjetjet nuk përfshijnë dëshmi për trafikim organesh, por për krime tjera lufte.
Kronika e gazetarit Lindrit Zejnullahu.
