Deputeti i Lëvizjes Vetëvendosje, Ilir Kërçeli, ka thënë se kryetari i Prishtinës, Përparim Rama, është duke planifikuar të përfitojë një shumë të konsiderueshme parash, duke u thirrur në emër të UÇK-së.
Sipas Kërçelit, ai ka planifikuar një projekt prej 1 milion eurosh për vendosjen e shtyllave me flamuj të UÇK-së në hyrje dhe dalje të Prishtinës, teksa vlera reale e një projekti të tillë duhet të jetë rreth 300 mijë euro.
“Kjo ngre dyshime serioze dhe kërkon sqarime se si është arritur në shumën prej 1 milion eurosh dhe ku do të shkojnë 700 mijë eurot e diferencës” shkroi Kërçeli.
Ai paralajmëron se do të kërkojë qasje në dosjen e projektit dhe të gjitha dokumentet financiare për këtë projekt.
“Qytetarët e Prishtinës meritojnë transparencë dhe llogaridhënie. Ata do të informohen fije për pe për çdo euro të planifikuar dhe të shpenzuar në këtë projekt.
Respekti për UÇK-në dëshmohet me vepra dhe dinjitet, jo me projekte të dyshimta milionëshe në emër të saj!” shkroi ai.
Siç duket, kryetari në largim ia paska vënë syrin edhe një shume të konsiderueshme të parasë publike, kësaj radhe duke u thirrur në emrin e lavdishëm të Ushtrisë Çlirimtare të Kosovës (UÇK).
Sipas informacioneve, është planifikuar një projekt në vlerë prej 1 milion eurosh për vendosjen e shtyllave me flamujt e UÇK-së në hyrje dhe dalje të qytetit të Prishtinës.
Ndërkohë, vlera reale e një projekti të tillë vlerësohet të jetë rreth 300 mijë euro. Kjo ngre dyshime serioze dhe kërkon sqarime se si është arritur në shumën prej 1 milion eurosh dhe ku do të shkojnë 700 mijë eurot e diferencës.
Kryetar, emri i UÇK-së nuk mund dhe nuk duhet të përdoret si mbulesë për keqpërdorimin e parasë publike!
Po të paralajmëroj publikisht se, në cilësinë e deputetit të Republikës së Kosovës, do të kërkoj qasje të plotë në dosjen e këtij projekti, përfshirë preventivin, specifikimet teknike, procedurat e prokurimit dhe të gjitha dokumentet financiare.
Qytetarët e Prishtinës meritojnë transparencë dhe llogaridhënie. Ata do të informohen fije për pe për çdo euro të planifikuar dhe të shpenzuar në këtë projekt.
Respekti për UÇK-në dëshmohet me vepra dhe dinjitet, jo me projekte të dyshimta milionëshe në emër të saj!
Askush nuk duhet të lejohet ta përdorë sakrificën e UÇK-së për përfitime personale.
