Deputeti nga radhët e Aleancës, Burim Ramadani, përmes një postimi në “Facebook”, ka akuzuar Qeverinë në detyrë se po i falimenton komunat e Kosovës.
Ai tha se komunat, përveç aspektit financiar, po përballen edhe me presion nga niveli qendror.
“Niveli qendror praktikisht po i falimenton komunat. Komunat e Kosovës po përballen me pengesa të pashembullta. Jo vetëm në aspektin financiar, komunat janë nën një presion të paparë nga Qeveria qendrore. Në kundërshtim të plotë me Ligjin për Vetëqeverisje Lokale, Qeveria e pamandat po i sakaton komunat. Moskonstituimi i Kuvendit është bllokadë e re e shtetit nga Vetëvendosje. Sot do të duhej të ishim duke debatuar në Kuvend për këtë bllokim të komunave. Por, bllokada është bërë shumë-shtresore tashmë”, shkroi Ramadani
