Sipas tij, në secilin matës të besueshmërisë këto dy institucione janë shumë poshtë.
“Arsyeja kryesore pse duhet të ndodhë Vettingu është edhe çështja e besimit të publikut te sistemi prokurorial dhe gjyqësor, sepse nëse e shohim secilin matës që e bëjne UNDP-ja, apo kushdo që e bën matësin e besueshmërisë së publikut te institucionet, Prokuroritë dhe Gjykatat janë shumë poshtë në shkallën e besueshmërisë, e kjo për shkak të punës së tyre të deritanishme që e kanë bë apo që nuk e kanë bë. Prandaj një proces i vettingut përpos që mundet me i largu individët të cilët nuk e meritojnë me qenë pjesë e sistemit prokurorial apo gjyqësor, ndikon edhe në rritjen e besueshmërisë së publikut te sistemi prokurorial dhe gjyqësor”, tha Demhasaj në emisionin “Këndi i Debatit”.
