Ai thotë se mërgimtarët e shfrytëzojnë Serbinë si vend transit për të ardhur në pushime në Kosovë, ndërsa thekson se ka qenë e ditur që ditën kur do të hyjë në fuqi vendimi do të ketë shumë mërgimtarë duke pritur që të hapet kufiri për të ardhur në Kosovë.
“Muaji korrik dhe gusht janë të ngarkuar me ardhjen e mërgimtarëve tanë nga perëndimi e që një pjesë e madhe e tyre e zgjedhin përmes Serbisë dhe hyjnë në këto pika, Bërnjak dhe Jarinë dhe është ditur që ditën kur do të hyjë në zbatim vendimi ka shumë qytetarë që janë andej kufirit dhe mbyllja e kufirit ka ndikuar që një pjesë e madhe mos të them me qindra vetura e ndoshta edhe më shumë kanë qenë andej në Serbi duke pritur për t’u hapur kufiri dhe të vijnë këndej dhe ata kanë mbetur duke pritur aty disa orë”, tha ai.
Demhasaj tutet deklaroi se ky vendim nuk ka qenë i analizuar mire pasi që, sipas tij, ka mundur të hyjë në fuqi në një kohë kur nuk do të kishte fluks kaq të madh të mërgimtarëve.
“Mendoj që nuk ka qenë mirë i menduar dhe i analizuar vendimi sepse ka mundur që vendimi të merret tani që të hyjë në fuqi në shtator kur ka më pak ardhje”, shtoi ai./Teve1.info/
