Analisti, Arton Demhasaj konsideron që tensionet në dialogun Kosovë – Serbi tashmë kanë kaluar.
I ftuar në emisionin “Këndi i Debatit”, Demhasaj tha se në takimin e sotëm në Bruksel nuk ka pasur pse të ketë tensione pasi siç tha ai, palët kanë pasur përpara një plan i cili nuk mudn të ndryshohet.
Mirëpo sipas tij, tensionet mund të lindin në momentin kur do të fillojë implementimi i marrëveshjeve të nënshkruara.
“Tensionet kanë kaluar tashmë plani ka qenë i gatshëm dhe ti s’ke pasë çka ndryshon dhe s’ka pasë nevojë me pas tensione në një plan të gatshëm. Tash sa i përket planit të zbatimit aty mund të ketë tensione për shkak se të dy palët mund të kenë tendenca jo këtë pikë të marrëveshje që është më e favorshme për palën tonë me e shty, me u implement më përpara dhe e kundërta nga ana e palës tjetër”, tha ai.
Tutje Demhasaj tha se mendon që kryeministri Kurti do të insistojë maksimalisht që Asociacioni të zbatohet vetëm pas njohjes reciproke mes të dyja vendeve.
“Unë mendoj që ka me pasë insistim maksimal të kryeministrit Kurti që sidomos pikën që flet për zbatimin e marrëveshjeve të Brukselit që lidhet me Asociacionin, të mund ta shtyjë atë të fundit, sepse kështu e ka paraqitur edhe në ato gjashtë pikat e tij që i ka propozuar drejt Bashkimit Europian, që po mund të themelohet Asociacioni por vetëm pas njohjes reciproke”, shtoi ai./teve1.info./
