Deputetja e Partisë Demokratike të Kosovës, Blerta Deliu ka reaguar për sulmin që është bërë ndaj analistit, Valon Syla.
Ajo ka thënë se sulmi ndaj tij është i papranueshëm dhe e drejta për tu shprehur është e garantuar me Kushtetutë, shkruan teve1.info
“I papranueshëm sulmi ndaj gazetarit Valon Syla! E drejta për tu shprehur lirshëm është e drejtë e garantuar me Kushtetutë. Sulmi ndaj Valonit është sulm ndaj fjalës së lirë dhe demokracisë. Kushdo që qëndron prapa këtij akti, duhet të ndëshkohet nga organet kompetente”, ka shkruar ajo në Facebook.
Ndryshe, gazetari dhe analisti Valon Syla është sulmuar mbrëmë nga tre persona. Për pasojë, Syla ka pësuar lëndime të lehta në kokë.
Syla, i cili ishte pjesë e një emisioni debatues në lidhje me gjykimin e ish-krerëve të UÇK-së në Hagë, është sulmuar pak minuta pasi që ka dalë nga studioja.
