Deputetja e Partisë Demokratike të Kosovës, Blerta Deliu – Kodra ka thënë se nuk pret që as në seancën e sotme të ketë ndonjë ndryshim.
Ajo ka thënë se Albulena Haxhiu pas dështimit në disa tentativa për tu zgjedhur kryetare e Kuvendit, ndoshta duhet ta shqyrtoj vet largimin nga ky propozim.
“Nuk shoh që do të ketë ndryshim, nuk ka vullnet politik për ta ndryshuar kandidaten. Përgjegjësinë duhet ta marrin ata që nuk marrin asnjë hap të vetëm që të tejkalohet ky ngërç .Kemi një grup parlamentar që është i barrikaduar, një kandidate të vetme dhe natyrisht që fati i Kosovës ka mbetur në mëshirën e një kandidate, e cila nuk e di se a do të jetë ende apo mbase pas disa tentativave znj. Haxhiu duhet vet të shohë mundësinë që të largohet nga kandidatura”, ka thënë ajo para nisjes së seancës.
Deliu-Kodra ka thënë se PDK ka qenë e gatshme për gjetjen e një zgjidhje.
