Dega e AAK-së në Malishevë ka reaguar pasi Zyra e Prokurorit të Specializuar e arrestoi të enjten ish-kryetarin e kësaj komune, Isni Kilaj.
Në një postim në Facebook, nga kjo degë kanë thënë se malishevasit besojnë në pafajësinë e Kilajt dhe në luftën e pastër “të gjithë të përndjekurve padrejtësisht nga gjykata selektive e Hagës”, përcjell teve1.info
“Malishevasit besojnë në pafajsinë e z. Kilaj, dhe të gjithë të akuzuarve të tjerë, njëjtë siç besuan në pafajsinë e z. Limaj me shokë, z. Selim Krasniqi me shokë, z. Haradinaj me shokë dhe të gjithë të akuzuarve të tjerë. Malishevasit besojnë në luftën e pastër të, z. Thaçi, z. Veseli, z. Krasniqi, z. Selimi dhe të gjithë të përndjekurve padrejtësisht nga gjykata selektive e Hagës Malishevasit janë unik në mbrojtjen e vlerave të luftës së UÇK-së, po aq sa ishin unik në luftën e përbashkët dhe të pastër të saj, sepse ishte e drejtë e pashmangshme dhe e domosdoshme!”, thuhet në postim.
Ish-kryetari i Malishevës, njëherësh ish-komandanti i UÇK-së, Isni Kilaj është arrestuar të enjten me urdhër të Zyrës së Prokurorit të Specializuar në Hagë, pasi sipas ZPS-së në banesën e tij “u gjet material konfidencial që lidhen me dëshmitarët”. /Teve1.info/
ZPS thotë se në banesën e Isni Kilajt u gjetën material konfidencial që lidhen me dëshmitarët
