Trajneri i ri i Real Madrid, Álvaro Arbeloa, ka folur pas një humbjeje befasuese 3-2 ndaj ekipit të Albacete në debutimin e tij si drejtues teknik të skuadrës kryesore të Madridit në Copa del Rey, një rezultat që shënoi eleminimin e hershëm të klubit nga kjo garë.
Arbeloa mori përgjegjësinë e plotë për rezultatin, duke thënë se ai ishte ai që mori vendimet për formacionin, taktikat dhe zëvendësimet dhe se nuk pendohet për zgjedhjet që bëri në përbërje, edhe pse shumë titullarë u lanë në stol.
“Unë jam përgjegjës dhe fajësohem plotësisht,” deklaroi ai, duke shtuar se “dështimi është pjesë e rrugës drejt suksesit” dhe se nuk ka frikë nga ai, duke kërkuar që skuadra të përmirësohet dhe të kthehet te puna për ndeshjet e ardhshme.
Arbeloa nënvizoi se tifozët kanë të drejtë të ndihen të zhgënjyer, por se ekipi duhet të rikthehet menjëherë në stërvitje për të përgatitur sfidat në vazhdim të sezonit.
