Pasi e nisën me fitore edicionin e ri të Ligës së Kombeve, futbollistet e Kombëtares së Kosovës kanë dëshpëruar në ndeshjen e dytë.
Të martën, në stadiumin “Fadil Vokrri” në Prishtinë, Kosova u mposht nga Letonia me rezultatin minimal 1:0.
Pjesa e parë e takimit u mbyll pa gola, përpara se Letonia ta siguroj fitoren në pjesën e dytë, me golin e realizuar në minutën e 51-të.
Kjo ndeshje i takoi xhiros së dytë të Grupit 6 të Ligës C të Ligës së Kombeve.
Ditë më parë, Kosova në xhiron e parë triumfoi 4:0 në Shkiup ndaj Maqedonisë së Veriut dhe pas dy ndeshjeve të luajtura në grup, renditet e dyta në tabelë me 3 pikë.
Tri pikë i ka edhe Letonia, por që i prinë grupit për shkak se ka një ndeshje më pak të luajtur.
