Kombëtarja e Kosovës do të zbresë sot në fushë për një nga ndeshjet më të rëndësishme në historinë e saj, teksa përballet me Sllovakinë në kuadër të gjysmëfinales së “play-off”-it për kualifikim në Kupën e Botës 2026.
Ndeshja zhvillohet në Bratisllavë dhe pritet të jetë një sfidë e fortë për “Dardanët”, të cilët kanë treguar formë të mirë në ndeshjet e fundit dhe besojnë në një rezultat pozitiv edhe në transfertë.
Futbollistët e Kosovës do të kenë mbështetje nga një numër i madh i tifozëve që kanë udhëtuar nga Kosova, por edhe ata nga mërgata që gjenden në Bratisllavë.
Pra ndeshjes “Dardanët janë mbledhur në një pjesë të qytetit, ku kanë ndezur atmosferën para ndeshjes.
Bashkë me ta janë edhe figura publike, Glauk Konjufca zëvendëskryeministër dhe ministër i Jashtëm, kryetari i Prishtinës, Përparim Rama dhe ai FFK-së, Agim Ademi.
Rama një deklarim për Tëvë1 tha se Kosova do të fitojë sonte.
Ndeshja Sllovaki –Kosovë fillon nga ora 20:45./teve1.info/
