Kombëtarja A e meshkujve e Kosovës në volejboll është gati për debutimin në edicionin 2026 të CEV Volleyball European League, pas një periudhe intensive përgatitore dhe një serie stërvitjesh e ndeshjesh kontrolluese.
Nën drejtimin e përzgjedhësit Darko Prebiraçeviq dhe stafit të tij teknik, ekipi ynë kombëtar do të nisë rrugëtimin evropian këtë fundjavë në Letoni, ku do të zhvillohen dy ndeshjet e para të garës.
Kosova fillimisht do të përballet me Rumaninë të shtunën, ndërsa të dielën do të sfidojë nikoqirin Letoninë, në kërkim të një starti pozitiv në këtë kompeticion të rëndësishëm evropian.
Ndeshjet e Kosovës në turneun e parë në Letoni:
06/06/2026 | 18:00
Kosova – Rumania
07/06/2026 | 16:30
Letonia – Kosova
