Kombëtarja e Shqipërisë, në mbrëmje luan ndeshjen e rëndësishme kualifikuese për Botërorin 2026.
Kuqezinjtë do të përballen me Serbinë në Leskovc, stadium ku vetëm fitorja do të bënte punë për ekipin e Sylvinhos.
Selektori Sylvinho, të premten ka zhvilluar seancën e fundit stërvitore, por ka ende pak dilema sa i përket formacionit që do të hedhë në fushë.
Në portë mbetet titullar Thomas Strakosha, i cili do të ketë në mbrojtje Elseid Hysajn nga e djathta dhe Mario Mitajn nga e majta, ndërsa në qendër do të jetë dyshja Arlind Ajeti – Berat Gjimshiti.
Në mesfushë, Sylvinho ka preferuar të ulë në stol Ylber Ramadanin, ku vendin e tij pritet ta zërë Qazim Laçi, i cili do të rreshtohet së bashku me Juljan Shehun dhe Kristjan Asllanin.
Mirlind Daku do të udhëheqë sulmin në Leskvoc i ndihmuar nga Armando Broja në të djathtë dhe me shumë mundësi, Myrto Uzuni do të jetë titullar nga e majta.
