Trajneri Tahir Batatina dhe Mirlind Daku në mëngjesin e ditës së shtunë janë takuar, para se lojtari gjilanas të niset për në Rusi.
Daku ka arritur marrëveshje me ekipin rus Rubin Kazan dhe sot pritet ta kompletoi transferimin e tij, ndërsa trajneri Batatina është shprehur i emocionuar pas përshendetjes me lojtarin gjilanas.
“U emocionova kur u përshëndeta me të sepse mu kujtuan ditët e para kur Lindin e transferova te Llapi, si i besova dhe sa shumë e mbështeta”, ka shkruar Tahir Batatina.
Llapi do të përfitoj nga kjo shitje pasi ka përqindje në kartonin e Mirlind Dakut. Shifra që Rubin Kazan do t’i paguaj Osjekut është 1.2 milionë euro.
