Dakota Johnson dhe Chris Martin janë ndarë, duke i dhënë fund një marrëdhënieje që zgjati afro tetë vite dhe kaloi përmes shumë ulje-ngritjeve.
Lajmi është konfirmuar nga burime të shumta për revistën “PEOPLE”.
Aktorja 35-vjeçare e filmit “Materialists” dhe këngëtari 48-vjeçar i grupit “Coldplay” u panë për herë të parë së bashku në vitin 2017 dhe prej asaj kohe ishin një nga çiftet më të përfolur të showbiz-it.
Në mars të vitit 2024, një burim afër çiftit bëri të ditur për “PEOPLE” se ata ishin të fejuar “prej vitesh”, edhe pse nuk kishin ndërmend të nxitonin drejt martesës.
Gjatë lidhjes së tyre, Dakota ndërtoi një raport të ngushtë edhe me fëmijët e Martin nga martesa e mëparshme me Gwyneth Paltrow – Apple (21 vjeç) dhe Moses (19 vjeç).
“I dua ata fëmijë sikur të varej jeta ime prej tyre”, është shprehur aktorja më herët.
Ndarja e tyre shënon fundin e një kapitulli të gjatë dhe të komentuar në botën e të famshmëve.
