Belgjika kishte shumë ambicie para ndeshjes me Holandën, por në fund gjërat nuk shkuan siç duhet për të.
Goli i Van Dijk dënoi skuadrën e Martinez me humbje, në takimin që u mbyll me rezultatin minimal 1-0.
Duke folur për mediet pas këtij takimi, portieri i Real Madrid dhe belgëve, Thibaut Courtois theksoi se fitoren e meritonin ata, madje shtoi se diçka të tillë e kishte pranuar edhe trajneri i Holandës, Van Gaal.
“Ne mund të kishim fituar sot. Van Gaal tha pas ndeshjes se ne e meritonim të fitonim, por ky është futbolli. Ne nuk i shfrytëzuam shanset dhe goli i tyre erdhi pas një humbje të posedimit të lojës e të topit nga ana jonë. Pas golit nuk ishim më në gjendje të luanim. Por deri te goli luajtëm mirë. Nëse do të kishim shënuar të parët, ndeshja mund të ishte në duart tona”-theksoi Courtois.
