Ish- komandanti i NATO-s, gjenerali Wesley Clark gjatë dëshmisë së tij në Hagë është pyetur për deklaratën e tij rreth qëndrimit të UÇK-së dhe Thaçit për një Kosovë multietnike.
Ai i pyetur nëse kishte marrë ndonjë informacion që do të mund të ndryshonte deklaratën e tij për këtë ai ka thënë se nuk ka asnjë informacion që e kundërshton deklaratën.
“Nuk kam marrë asnjë informacion që kundërshton atë që kam thënë në këtë video”, ka thënë Clark.
Ai është pyetur edhe për deklaratën e dhënë se Thaçit nuk mund t’i atribuohen gabimet e të tjerëve.
“Nuk mendoj që Thaçi ka pasur kontroll mbi aktet e tilla që kanë bërë njerëzit e tjerë. Së pari nuk është e qartë që dhuna ishte kryer nga UÇK-ja edhe po të ishte kështu ajo është realizuar nga individ të caktuar. Unë nuk besoj që ka qenë UÇK-ja, por edhe po të kishte nuk kishte askush kontrolli mbi atë çfarë ndodhte në teren”, tha ai.
